Acara panangkhon Sari2

PARTANGIANGAN

PANANGKOKHON SARINGSARING TU TAMBAK NA PIR

Kel Besar Bisker Rumapea ( Op. Dita)

Soripadana R.br. Silalahi

Sabtu, 29 Juni 2013

==================================================

 (Hatorangan : P=Parangenda ; R=Ruas)

1. Marende 361:1-2                Na denggan situtu

Na denggan situtu do mamuji Debata

Jahowa na tumimbo Na sai tongtong basa

Denggan do paboahon Manogot asiMi

Bodari mangendehon BurjuM nang sintongMi

                        Mardongan sipiltihon Na denggan situtu

                        Naeng ma tongtong pujion Ni nasa na burju

                        Ho Tuhan Debatangku Ai las ni rohangki

                        Do na tongtong binaenMu Di pambahenanMi.

2. Votum-Introitus

P    :       Marhitehite Goar ni Debata Ama, dohot Goar ni AnakNa, Tuhan Jesus Kristus dohot Goar ni Tondi Parbadia na manompa langit dohot tano on, dipasaor ma dameNa tu tondinta. Amen.

R     :      Ale Jesus Tuhannami, bereng hami na dison. PinarmahanMi do hami saluhutna na dison, sai asi rohaM di hami, sai pangolu hami on.

P   :        Unang ho mabiar, Ai ahu do Parjolo jala parpudi ! Au do siparngolu; naung mate do au na jolo, gabe mangolu antong rodi salelenglelengna; Di Ahu do anak hinsu ni hamatean dohot banua toru.

R    :       Tangihon ma hami ale Jahowa sian asi ni roham.

P    :       Ale Jahowa Tuhan nami na di banua ginjang pujipujianma hu pasahat hami mardongan mauliate tu Ho, ala tontong dilehon Ho hatam na gabe sitangihonon jala siihuthonon nami asa mangolu hami songon naung pinatikhonmu.

R   :        Ale Jahowa Ama nami, pungu do dison keluarga pomparan ni amanami Kel. Besar Bisker Rumapea & Soripadana R. br. Silalahi (Op. Dita) dohot angka dongan na marholong roha di hami nang dongan huta di bagasan sada ni roha laho pasangaphon Ho ale Jahowa marhite ulaon sadarion.

P    :       Jahowa, Debata nami marpungu do hami sadarion na manghalashon dihatutulus ni ulaon  panangkokhon saringsaring na hinaholonganna naung jumolo i.

R    :       Marsomba hami tu adopanMu na badia i ale Jahowa, asa ajari, pangkulingi hami, urupi hami asa unang gabe songon sipelebegu hami alai ingkon do gabe patimbulhon jala pasangaphon GoarMu na badia i asa marsangap jala marmulia Ho di tongatonga ni ulaon on.

P     :     Asi ma rohaM, sai pargogoi ma hami marhitehite TondiM, asa margogo hami mangoloi Ho di bagasan haporseaon na mangolu. Marhite Anakmu Jesus Kristus Tuhan Sioloan nami. Amen

4.  KOOR: INA KAMIS

5.  Marende BE. 15: 1+3                    Aut na saribu hali ganda

              Aut na saribu hali ganda saringar ni soarangki

              Naeng nasa gogo bahenonku mamuji Debatantai

              Paboa las ni rohangki hinorhon ni pambaenna i.

                        Hupuji dohot Ho o Jesus Marningot asi ni rohaM

Marningot mudarMi na durus Ro di sude dengganbasaM

                        Patupa haluaon i Di au pardosa godang i.

6. Manjaha Ayat

P    :       Ale Jahowa, Debata Amanami. Ho do pargogo na so hatudosan na manompa langit, tano dohot nasa isina. Na badia do Ho jala parasiroha na manontong ro di salelenglelengna.

R      :     Nang pe merus sibukku dohot rohangku, sai Debata do partanobatoan ni rohangku jala parjambaranku salelenglelengna. (Psalmen 73:26)

P     :      Jahowa, Debata Amanami. Jotjot do husungguli hami rimasMu, jala ndang hu ula hami lomo ni RahaM, atikpe naung dilehon jala dihatahon Ho Barita na Uli tu hami

R      :     Sai ajarhon ma tu ahu, ale Jahowa, dalanMu, asa marpangalaho ahu di bagsan hasintonganMi, sai pasada ma rohangku mangkabiari goarMu. (Psalmen 86:11)

P     :      Jahowa, Debata Amanami. Unang loas hami ganggu jala gale haporseaon nami marhitehite ulaon na so hinalomohonMu; i ma pos ni roha di angka ulpuhan ni hadatuon, manungkun jala manghaposi sumangot manang sahala ni ompu, martondung dohot maniti ari.

R     :      Sai unang paingotingot angka dosangku dohot pangalaosingku, sai ingot ma ahu, ale Jahowa, hombar tu asi ni rohaM, ala ni denggan ni basaM.

P     :     Molo tung adong na mardosa, adong do pangondiananta tu Ama i, ima Jesus Kristus, Partigor i. Ibana do pardengganan pasaehon angka dosata; alai ndada holan dosanta, tung dohot do dosa ni sandok portibio on. (1 Joh. 2:1^b-2). Hasangapon ma di Debata na di ginjang. Amen

7. KOOR: PT. ATAS

8. Marende 30:3-4                  Jesus lehon hatorangan

            Sai martua ma nasida Na mambahen Jesus haposanNa i

Aut tung sura olo hita Jesus i baen parsigantunganta i

Ale Jesus sai patogu Hami na di parporangan

Asa dapot di ujungna hamonangan

                        Sai tangihon ale Tuhan Molo martangiang hami be tu Ho

                        Pasupasu marlobian LehononMu tu na ro manopot Ho

                        Sai dongani nama hami Asa hot di parpadanan

                        Mian hami sahat ro tu hasonangan.

9.  Jamita/ Renungan :

10. Koor: BETANIA

11. Hata Sipaingot

Uluan       :    Hamu angka dongan sahaporseaon nunga dipanangkok hamu saringsaring ni angka hinaholongan ni rohamuna naung diongkal hamu na diari na salpu

Hasuhuton : Debata ma na patulushon ulaon on, ai huulahonhami on   ndada namarpangkirimon hami songon ulaon ni angka halak sipelebegu alai paboa na diramoti, diparmudumudu jala dipasada Debata do hami saluhutna angka pinompar ni ompu nami on.

Uluan      :    Didok Debata, Anggo halak naung mate, ndang diboto agia aha, ai nunga lupa nasida di parningotan nang holong ni rohana, hosom dohot iburu ni roha pe nunga mago sian nasida jala ndang be marjambar nasida di saluhut angka na masa di hasiangan on, nang tu hita ndang adong be pardomuan nasida.

Hula-hula :    Alani I ndang tama be hita manghatai dohot manghirim tua nang pasupasu sian angka na mate manang sumangotna pe. Haroronami, asa sada do hita mangido angka pinompar ni namborunami naung parjolo mandapothon Tuhanna. Parhiteanta namanghamauliatehon denggan basa ni Debata do ulaon on jala paboa na hot do padan ni Debata tu hamu sahat rodi saleleng ni lelengna.

Uluan      :     Ingkon badia do roha dohot pangalahonta mangulahon ulaon on, unang masa manortori holi, manulangi dohot mangalehon napuran, mangandungi songon na so marpanghirimon.

12.  Marende BE.211: 1-2      Tuhan Jesus Siparmahan (P.Pelean)    

              Tuhan Jesus Siparmahan Au birubiruNa do

              Jesus gok di Ho rohangku Sai ihuthononku Ho

              Sai ihuthononku Ho, Sai ihuthononku Ho

              Jesus gok di Ho rohangku Sai ihuthononku Ho

                         Jumpa masa sorimago Tung pangapul Ho gogo

                        Ia bogasMi huida Sai ihuthononku Ho          

                        Sai ihuthononku Ho, Sai ihuthononku Ho

                        Ia bogasMi huida Sai ihuthononku Ho

13.      Tangiang Pelean - Ale Amanami - Pasupasu

BARITAHON MA BARITA NA ULI I

ULAON 1.6-14

            Sasintongna Manghatai  taringot tu haheheon ni Tuhan Jesus, boi dohonon sarupa do I tu na manghatai tu sada situasi na so hapingkiran ni jolma. Boasa didok songon i ? ala ndang boi antusan holan marhite pingkiran sambing. Hananaek ni Jesus tu lambung ni Ama I, ima patuduhon naung marujung do sada partingkian na marpardomuan tu pangulaon ni Jesus di portibi on, jala marpaima ma muse jolma I tu sada partingkian na imbaru. Molo na saleleng on, angka na porsea rap dohot sisean I, mananda jala manghaporseai Jesus na mian di sadasada inganan; alai dung manaek tu banua ginjang tu lambung ni Ama I, gabe tubu ma pangantusion na imbaru, ia Jesus nunga gabe Tuhan ni saluhut jala naung maringanan di sude inganan (omni presentia). Gabe salpu ma sada partingkian, jala na ro ma sada partingkian na imbaru muse. Alani angka dia ma barita nauli di hananaek ni Tuhan Jesus i ?

1.    Marhite hananaek ni Tuhan Jesus tu banuaginjang, gabe singkop ma las ni roha ni angka na porsea i ; rap dohot Jesus di portibi on laos rap muse di banuaginjang sogot. Hombar ma tu hata ni endenta i na mandok : Sonang dilambung Jesus, rap hita lao tusi, inganan na ummuli do di lambungNa i… (BE.214.2). asa ndada holan angka sisean i hape na marlas ni roha, alai gabe marlas ni roha ma saluhut angka na porsea i ala naung manaek Jesus i.

2.    Manogihon hita do tu panogunoguon ni Tuhanta Jesus Kristus di tanggungjawab hakristenon marhite na lam tangkas botoonta ia haheheon dohot hananaek ni Jesus i, ima patuduhon hamonanganNa maralohon sumbia ni hamatean i. Hamonangan ni Jesus hamonangan ni angka na porsea. Jala holan dibagasan panjaloonta di Tondi Parbadia do boi tangkas botoonta jala tandaonta hamonangan ni Jesus i gabe hamonanganta

3.    Alani ni Tondi hananaekna i, tung lam margogo ma hita gabe pangorui di angka siparungkilhononhon, jala panambai di ragam ni las ni roha. Marlapatan ma disi angka halak Kristen naung manjalo Tondi Parbadia i gabe siboan hatigoran dohot hasintongan. Na gabe sungkunsungkun di hita nuaeng, olo do hita manang ndang gabe sitindangi ni Kristus di ngolunta on ? taalusi ma dibagasan rohanta be marhite pardalan ni ngolunta. Amen

4.    Thema : Baritahon ma Barita Na uli i 

a.       Tanda ni haporseonta be

b.      Ai sude do tarjou tu ulaon i

c.       Asa lam torop halak manghaporseai Jesus i

Ibana do na pahothon ( 1 Petr 5.10)

Adong ma sahalak parende na marusaho situtu asa boi gabe juara; mansai tabo do nian soarana, alai hurang penghayatan. Dinasahali tompu do mate hinaholongan ni rohana. Marsak situtu do ibana ala ni i, pola naeng mandele, ndang olo be ibana marende. Alai ala ni sosososo ni angka alealena, diihut ibana do sada festival. Hasilna tung halongangan do; ibana do juara. Boasa boi songon i? Huroha tung diingot ibana do hinaholonganna nanung monding i, gabe tangkas ma penghayatanna di endena i. I ma mambahen ibana ibana gabe juara.

Songon ima Debata mamangke angka haporsuhonta i laho paulihon hita. Paulihon, marlapatan do i: Mambahen na so adong hian di hita gabe adong. Jala dipangke Debata do haporsuhon i nang laho pahothon hita, asa unang mungilungil alai manahan sahat ro di ujungna. Laos patoguhon do muse haporsuhon i, mambahen hita lam somal jala tang huhut togu; songon hau di topi laut ba sai diombus alogo na gogo, lam togu hauna jala lam bagas do uratna, songon i do haporsuhon i pagomoshon jala patoguhon haporseonta. Mardonganhon Jesus sai na taluhononta do haporsuhon i ai nunga jumolo Ibana mananluhonsa.

Ngolu Na Dibagasan Tangiang

EV. Minggu Rogate 

05 Mei 2013

ROM 12.9-12

1.        Mardomu tu isi ni surat Rom on, disagi angka pande bisuk do surat Rom on tu dua bagian, ima : Hatorangan na bersifat dogmatis” na patoranghon taringot tu ruhutruhut haporseaon ni halak Kristen (bnd 1-11) dohot “ poda na bersifat praktis”. Sian bagian na paduahon on, songon na ni dok ni Apostel Jakobus asa unang holan na bersifat teori haporseaon I, alai naeng ma patar parulaon ni halak Kristen hombar tu haporseaon na sintong I (Jak 2.14-20). Tu horong on do ondolan ni turpuk Evangelium on asa naeng manogunogu halak Kristen na sintong manghangoluhon holong ni roha hataridaan ni hakristenon na tutu situtu, hombar tu suhatsuhat naung tinotophon no Tuhan Jesus ( Joh 13.34-35).

2.       Sipaingot (poda) marparsaoran tu dongan jolma/sahaporseaon mansai tangkas diondolhon poda taringot tu pambahenan holong ni roha tu dongan sahaporseaon. Ringkot parrohahononta pandohan na pinangke ni Apostel Paulus: Unang ma marpangansi holong ni roha i (holong Agape). Lapatanna na mamelehon diriNa-Memberi diriNya » manghobasi halak na asing. Asa naeng ganup halak Kristen mamelehon dirina manghobasi (Melayani) halak na asing. On do holong na sasintongna (holong Agape). Ndang na marpangansi holong ni roha I (kasih tidak bersandiwara), alai holong na tutu situtu bulus (ay 9-11). Marhite ondolan sisongon on, ganup halak naeng marsipatujoloanan mangulahon na denggan maradophon donganna. Pandohan: Unang ma sumurut ringgas ni rohga muna….ay 13) naeng patujolohon semangat manghobasi na denggan maradophon donganna lumobi maradophon Debata (Mat 25.31-46). Jadi marhite pandohan on: “Marhobas mangurupi donganna, sejatina marhobas manghobasi Debata”. Jadi, holan hasurungan hagogoon dohot hasurungan haporseaon ni halak Kristen do mampu mangulahon holong ni roha na polin jala naung manjalo Tondi ni Debata mangula dibagasan dirina (Joh 4.24).

3.       Unang paloas masuk angka pingkiran na roa tu dirim taringot tu dongan na hinaholongan, jala unang pasiat tu roham angka tuhastuhas na so tangkas dompak angka dongan na hinanholongan asa unang runsur jala peut holong ni roha tu nasida. Dibahen I, ingkon pilliton do na denggan, unang na jahat, asa magodang holong ni roha di bagasan hita. Ingkon manat do hita tu angka parjahat na late rohan mida angka na masihaholongan, na girgir mamolamola, asa mansihosoman angka na maraleale na mansihaholongan I di rohana. Holong na parjolo sahali ingkon patar I ma di huria ni halak Kristen, ala ganup halak Kristen i nunga manjalo silehonlehon marguru tu ragam ni asi ni roha na tinurpukhon ni Debata marhitehite Tondi Parbadia ( Rom 12.6; I Kort 12.11). Asa  hapataran ni pamatang ni Kristus, naeng tangkas huria I marsitumpahan di bagasan holong. Disi do hataridaan ni huria par-Tondi na girgir na so olo mandele, atik pe tarsosak dibahen portibi on. Di hamaolon ni portibi on, naeng huria manghirim di parbue na tonggi atik pe sai manggogo halinsungsung manghutur bunga dohot mutik ni hau na denggan di huria i.  Ingkon tubu ma diganup ngolu ni huria i semangat solidaritas sosial, ingkon tangkas do halak Kristen mangaradoti hasadaon, mamodahon hasintongan na sian hata ni Debata jala tongtong mamasumasu. On do na naeng gomos di panindangionta parbue ni huria naung halak na porsea tu Tuhan i.

4.       Didok pande bisuk « Doa adalah Jembata membuka Berkat-berkat Tuhan » Minggu Rogate(Martangia) ima sada tanda ni halak Kristen naung mandai holong dohot pambahenan ni Debata dingoluna. Parbue ni tangiang do na taida diturpuk on diajari do hita mangido na hasea tu ngolu siganup ari ala Ibana do tuk mangurupi hita patupa angka na denggan di ngolunta. Tangiang do pardomuan laho pasangaphon Debata dohot pahothon haporseaonta. Alani i ingkon rajumanta ma ngolu halak Kristen ima ngolu sipartangiang. Amen

PROGRAM KERJA HKBP PANEI TONGAH TAHUN 2013

I.      PESTA PARHEHEON SIKOLA MINGGU

 

Ø  Lomba Mengambar (Na so sikola s/d Kelas 2 SD)

Ø  Lomba Melukis Kelas 3 SD s/d 4 SD

Ø  Idola Cilik Kelas 5 SD s/d 1 SMP

Ø  CCA/CCBE (Cerdas Cermat Alkitab/Cerdas Cermat Buku Ende)

II.    PEMBINAAN GURU SIKOLA MINGGU Sa-RESSORT

III.  PENINGKATAN PELAYANAN TU KATEGORIAL SIKOLA MINGGU

Ø  Pengadaan alat peraga Sekola Minggu

Ø  Sermon Guru2 Sikola Minggu pada setiap hari Sabtu, Pkl. 17.00 wib

Ø  Persikolaan SD di rehat laho pangkeon gabe Gedung Sikola Minggu ( Pengadaan Kursi Plastik 100 buah) dohot padenggan lantai  

IV. PEMBINAAN REMAJA & NAPOSO

Ø  BLK (5 halak)

Ø  Penanggulangan kenakalan Remaja

Ø  Latihan kepemimpinan

Ø  Latihan musik 10 halak ( Kegiatan on di pasahat ma Seksi Musik)

V.     PAJONGJONGHON PUNGUAN LANSIA

Ø  Pembentukan punguan Lansia

Ø  Mandaftarhon sude ruas na marumur 60 taon gabe anggota ni lansia

VI.   PEMBINAAN PARHALADO Sa-RESSORT

VII. KEGIATAN NATAL SECARA OIKUMENE

Ø  Anak jalanan

Ø  Supir

Ø  Parbecak

VIII.                        PENANAMAN BUNGA DIPEKARANGAN GEREJA MARHITE PUNGUAN KOOR NA ADONG DI HURIA

IX.    KEGIATAAN NA MARDOMU TU ANGKA ULAON NI HURIA:

Ø  Na monding sahat ma tu huria Pkl. 17.00 wib jala dipasahat huria ma blangko sitandatanganon ni suhut, hulahula dohot natuatua ni huta i ma i diitingki pangarapotan

Ø  Na tardidi ingkon didohoti natoras (ama/Ina) ditingki marguru tardidi, jala pamasaon ma marguru tardidi 2 hali

Ø  Pamasaon ni hurianta ma parmingguon tu angka na so hae marminggu di ganup bagasna

Ø  Sosoan ni hurianta ma patupahon catatan sipil tu angka na naeng marbagas

Ø  Molo adong na pensiun di hurianta on ; Pandita, Guru Huria, Bibelvrouw lehon ni huria ma 3 bulan balanjo, jala molo so tarpatupa hurianta i, ditambai ma 3 bulan na i mangula di hurianta

Ø  Patupahon Konseling Pra Nikah tu angka na naeng marbagas

Ø  Molo marujung ngolu ni sintua na aktif pasahathon ni hurinta ma 8 kaleng boras, jala istri manang suami ni sintua na monding pasahathon ma 4 kaleng boras

Ø  Pasahathon ni hurianta do diakoni sosial tu na monding, dohot tu angka na marsahit

Ø  Lehonon ni hurianta ma penghargaan tu angka ianakhonta juara Umum  1 s/d 3 tingkat SD- SMA dohot tu angka ianakhonta  Mahasiswa/i dengan IP 3,2

Ø  Pasahathon buku pajonok tu Debata tu ruas ni hurianta, mulai Juli 2013

Ø  Patupaon ni hurianta ma Minggu Keluarga 1 x 4 bulan di hurianta

Ø  Patupahon kegiatan Pengobatan massal na niuluhon ni Seksi Kesehatan(Dewan Diakonia)

Ø  Pasahaton ni huria ma tu sahalak na laho penanggung jawab di soundsistem ni hurianta

Ø  Mamillit Songleader 3 halak ganup lingkungan

Ø  Kebersihan gereja di luar dohot dibagas di pisah ma (jala bahenon ma kesepakatan tu na paiashon gareja di luar-di bagas), jala molo adong ulaon pamasumasuon lehonon ma insentif ni na paias di bagas