BARITA DOHOT PODA

Dapotan Upa

Adong ma tolu halak parsikola (indekos) maringan do sada jabu ni parjabu. Hira ganup botari dibahen parjabu i do ulaonnasida, asa unang holan na marmeanmi. Molo tingki disi parjabu i, sumalin do idaon burjunasida na karejo i. Alai holan na laho parjabu i, pintor marmeam do dua halak sian nasida. Sisahalak i ndang na pola gogo karejo, alai tung dilehon do haburjuonna. Dibereng manang so dibereng parjabu i dihaburjuhon do karejo. Sai songoni ma nasida ganup ari. Alai sian na dao, sian na so pamotoannasida, diboto parjabu i do pangalaho nasida. Diboto do pangalaho ni na dua i holan na marmeami, jala na sada nari tung jolma na burju do.

Di sada tingki dijou parjabu i ma nasida na tolu huhut ma didok: tangkas do huboto boha parrohaonmuna. Ia hamu na dua, holan sipaulaula do haburjuonmuna; alai anggo na sahalak on tung na burju do ibana. Ala ni i, talup do ingkon dapotan upa ibana. Ia upa silehononku, mulai saonari rajuman ma ibana ianakhon di hami, na so pola manggarar be ibana di jabu on.

Alani unang marnaloja hita mambahen na denggan i, ai ingkon taruli asi ni roha na sian Debata do hita. Taingot ma: Na martalup ni roha do Ahu sogot di halak naung tinalupan ni rohangKu, jala na marasi ni roha do Ahu sogot di halak naung ni asian ni rohangKu. (2 Musa 33.19.b)

Sagusagu na nilehon ni Jahowa

Jamita partangiangan sektor:

2 Musa 16.2-4+9-15

Sada sian saluhut naringkot di ngolu ni jolma ima sipanganon, ala sipanganon i na manghorhon do i di pamatang gabe mangolu jala margogo mangula siulaonna. Alani sai marusaho do ganup jolma mangalului sipanganon sahat tu na papunguhon sinamotna. Molo moru pamatang na manghorhon do i gabe hurang gizi jala mura madabu tu parsahiton, alani intap ni na boi sai diparsinta jolma do anggiat singkop sipanganon na laho panganonna ganup ari, ala ringkot ni sipanganon i tung so dihalomohon do masa haraparon di ngolu ni jolma.

Ido barita masa di turpuk jamita partangianganta minggu on, di na marmungutmungut bangso i dompak si Musa dohot si Aron di halongonan i(ay 2). Sikap protes nasida dipambahenan ni Si Musa dohot si Aron, ndang tarjalo roha nasida ala so dapot nasida kebutuhan ima sipanganon di halongonan i, ido na didok na torop; ai ditogihon hamu hami haruar tu halongonan on laho mamunu sandok luhutan on anturaparon"(ay 3). Disituasi ni si Musa dohot si Aron ujui, dipanghuling Debata do si Musa; Ida ma paroonHu ma tu hamu udan sagusagu(ay 5). Dung dihatahaon Debata tu si Musa sisongon i dipabotohon ma tu si Aron dohot tu bangso i, paboa botoon nasida ma Jahowa do na paruarhon sian tano Misir(ay 6) jala idoan na hasangapon ni Debata ala nunga dibege Jahowa parungutunguton ni bangso dompak si Musa dohot si Aron. Maralus do Debata diungutungut ni bangso, pola didok si Musa asa dipajonok bangso i tu jolo ni Jahowa jala diida nasida ma hasangapon ni Jahowa dibagasan ombun i(ay 9-10). Bodarion panganonmuna juhut jala manogot na i butongan hamu mangan sagusagu.....asa tung diboto hamu, Ahu do Jahowa Debatamuna i(ay 12-13). Pambahenan ni Debata i gabe sada alus na mansai arga di parsoaran ni bangso i, sai na sarihonon jala togutogu ni Debata do nasida ganup ari asal ma tongtong nasida manghaposi Tuhan i ganup ari (pat. Psalm 25.5).

Alani taida ma jolo barita jamita naeng mamanghulingi partingkian; Padao ma ngolu na marugutungut sian ngolunta on, didok sahalak na bisuk do: Tumagon do ndang mangan-minum dibagasan tolu ari sian na so marpanghirimon tolu minit". Boha do tutu hinasintong ni pandohan i? Asa dohonon ma mansai balga do panghorhon ni panghirimon i di tongatonga ni hajolmaon. Ai ndang pintor mandele huhut marungutungut molo ro angka parungkilon dingolu on. Di pardalanan ni ngolunta jotjot do hita tinggang, tartuktuk, lilu jala matuktuk hian di ngolu on ala ni angka na masa. Alai unang ma hita marungutungut, taingot ma disarihon do hita dipardalan ni ngolunta on. Ai ndang na hurang ganjang tangan ni Jahowa laho mangurupi hita asal ma porsea hita di Ibana. Asa marhite panghirimon na mangolu sisongon i ma patoguhon rohanta laho mangeahi pangarupion ni Tuhan i.Maol do jolma mananda haluaon na pinatupa ni Tuhan; mardalan do hita di portibion sipata marnangkok tua songon pardalan ni bangso Israel na diuluhon ni si Musa i uju di parhorsihan. Alai taida sikap ni bangso i, ndang sintong mananda haluaon na dipatongon Tuhan di nasida. Aut sura ditanda nasida na Jahowa do paluahon, ndang tubu diroha dohot pingkiran nasida pangalaho parungutunguton, mardosa nasida dompak Tuhan i dohot lan na asing. Tauji ma mangarimangi, marningot huhut pajojorhon angka pambahenan ni Debatab di ngolunta lumobi ma panobusion ni Jesus Kristus di hita. Naeng ma gomal ma hata ni Debata dohot angka haluaon naung pinatupaNa di tonga ni ngolunta. Marhite na marningot hita disi ma gabe lam tangkas panandoanta ise do Debata/ Tuhan dipardalan ni ngolunta be. Nunga diparade Debata angka na ringkot tu ngolu ni jolma sian mulan di masa ni panompaon i. Nang pe salelenglelengna do Tuhan i, alani i sai ummarga ma Jesus di angka na taharingkothon. Amen

Gabe Asi Ma rohaNa Mida Nasida

Jamita Partangiangan:
Jeremia 23.1-6

Di zaman Millenium on nunga mengarah tu halumlamon pangalaho ni jolma. Ndang adong be tanggungjawab na songon uluan di ganup ulaonna be songon parmahan, hurang kepedulian maradophon donganna, di kelompok, keluarga, masyarakat dohot negara pe. Tidak ambil pusing maradophon aturan ni panggomgomi. Didok di Rom 13.1”naeng unduk tu panggomgomi na marsahala”. Laos songon i do nang sabalikna, ingkon dituntut haparmahanion sian sahalak panogunogu tu na tinoguna. Hape di turpuk on, didok do “Marje ma parmahana na mangago dohot paserakhon (ay 1-2), dilehon Debata do tanggungjawab tu sude na tinompa laho manjaga, manhandang laho parorothon jolma i (Hes 34.16).

Dipangido dison, uluan(pemimpin) na satia tu Debata, na mangolu dibagasan asi ni roha mangida angka na tardempar dohot na mauas diangka pasupasu ni Tuhan i. Manogu pasipasi ni bangsoi, ido na gabe sada dasor ulaon ni Debata di ngolu ni bangso (ay 3) asa matorop mabue bangso di angka pangalaho na denggan dohot nauli, lehononNa ubat tu angka na mabugang/na marsahit, mangalului angka na tardempar/na mago dohot na asing. Klimaks ni ulaon on i ma kesetiaan na mamolin maradophon na pinarmahanna, sesuai tu ganup kebutuhan. Sian i taida dihirim Debata do sian bangso i asa marparbue na tonggi na mambahen las roha ni Debata (1 Pet 1.9). Nuaeng ma berengonta paboa tingki (kairos) di halak Kristen, saluhutna i tingki laho mangula ulaon na denggan.

Adong pandohan: “sapaetpaet ni ngolu, tong do marpanghirimon”. Didok halak hita; “Agia pe lapalapa asal ma di toru ni sobuan, agia pe malapalap asal ma di hangoluan”, lapatanna sai adong dope panghirimon, lumobi di halak Kristen, naeng marpanghirimon di setaonon sogot, jala tusi do hita tarjaou, ido na sinoarahon ni Panurirang Jeremia diayat 5-6” patindangonHu ma di si David sada tumbur na tigor.....jala dapotan tua ma Juda, jala Israel marsonangsonang! Ai hira so ada do sitaonon na di hasiangan on martimbanghon hasangapon sipapataron sogot “eskatologis” (Efs 1.18). Sai dipatiur ma mata ni rohanta manatap doa sihirimon sogot i. Uhum dohot hasintonganNa i do na gabe sondang tu bagasan roha laho mamolati dia do na denggan dohot na roa.

Godang do naueng jolma, goarna panogunogu, hape sitogutoguon. Ndang adong tanggungjawab dohot kesadaraan be di jolma i sesuai tu ulaonna be. Holan pasombuhon tagasna, paburnang dirina be. Toho ma songon na didok ni hata umpama i: urat ni angka ehe, tu urat ni angka ihi. Hatana mangkaehe, rohana  manghilhili. Hatana songon na mangurupi, rohana manghilhili. Hape jamita na mangolu i ma jamita pangalaho do na dumenggan maradophon masyarakat nuaeng on. Alani lam marsitutu angka partogi, parmahan padimundimun na ringkot di masyarakat, di na pinarmahanna. Asa tiruan angka partogi, uluan di masyarakat di na pinarmahanna. Asa naeng ma tingki on pangkeonta laho patuduhon asi ni roha tu angka halak na mampar, dao sian Tuhan Jesus asa ro mandapothon Tuhan manopot hahuranganna jala manjalo ngolu na niuluhon ni Tuhan. Ai Jesus do parmahan na burju roha!! Amen

Tumangihon Jala Mangoloi Panurirang ni Jahowa

Jamita Partangiangan sektor/weyk:

Efesus 1.3-14

Adong do sada barita masa di sada laut, di laonlaon ni ari masa do sahit na jorbut di sada luat jala nunga torop halak na marsahit, jala adong naung mate hinorhon ni sahit i. Gabe mabiar do pangisi ni luat i, gabe tubu ma sungkunsungkun aha do na mangisombut umbahen na masa sahit i. So ma ma i ate, molo masa sisongon on sai tinggil do sipareon tu angka hatahata, nang pe so apala tapangke nalar manang roha na tiur. Didok sada natuatua ma hatiha mamolus huta i martona: " molo naeng malua jala malum sian parsahiton i  naeng ma ganup jabu manutung lomang dua bulu, jala molo dung masak lomang i ditanom ma sabulu di tolo ni jabu manang alaman, alai sabulu nari dipangan pangisi ni bagas i ma. Dungi i hira tolu ari sian i malum ma sude angka na marsahit jala ndang masa be sahit na jorbut i. I ma barita na mehet i. Torop do pangisi ni i mangulahonsa, domu ala ni biar ni roha di sahit i. Suang songon i ala luat na tardok ndang apala maju dope. Hape tardok hira halak Kristen do sude pangisi ni luat i. Alai dung dapot tolu ari songon tona ni naung niula nasida i, ida ma, ndang jumpang hamalumon ni angka na marsahit. Gariada tahe lam torop na mangae ai holan marbagahon tona i nama pangisi ni luat i, ndang adong be rohana laho marubat tu puskesmas manang tu rumah sakit. Ai tona sipaotooto do hape, marisuang ma lomang na tinonamna i.

Mansai bagas do holong ni roh ani Debata na ginombarhon Ap. Paulus di surat Efesus on, ai na so partohap hian ala ni dosa, gabe partohap di Harajaon ni Debata ala ni Kristus na hehe sian na mate. I ma pasupasu partondion na jinalo ni angka na porsea sian Debata, ndada porsea tu angka soara ni portibion songon masa di barita. Dihirim roha ni Ap. Paulus do asa sude halak Kristen marlas ni roha mangihuthon hata dohot tona ni Jesus i. Ingkon ingothonta do so ojak dope tano on, nunga dipillit hian hita jala ditodo gabe anakNa marhitehite Jesus Kristus. Na marlapatan tu dipasingkop do angka na ringkot di ngolunta, didaoni sahitnta jala diapuli do angka na marsak ido jamina sian Tuhan i. Sian mulana do dihalomohon Debata naeng malua hita sian nasa parmaraan ni daging dohot tondi.

Hombar tusi ma ringkot auhononta panghophopon ni Jesus Kristus, naung buas mangusehon mudarNa na badia i asa tung ias sian nasa dosanta. Marhite mudar ni Jesus i do saut tajalo haluaon i. Didok Topik minggunta, 12 Juli 2015, hombar tu almanak ni hurianta “Tumangihon jala mangoloi panurirangon ni Jahowa” na martudutudu do i di hita asa suan di rohanta balga do holong ni Debata naung manodo hita gabe anak panean di hangoluan sogot, marhitehite panghophopon ni Tuhan Jesus, naung sinahaponNa dibagasan Tondi Parbadia. Holan angka na sai tumangihon jala mangoloi angka hata ni Debata do na tuk mangantusi jala marhatopothon i di ngoluna. Ai satia do Ibana manarihon dohot marmudumudu ngolu ni saluhut na manghaporseai Ibana. Haporseai ma Tuhanta i asa unang tarurak hita dibagasan ngolunta on. Didok di buku Judas 1.20” alai hamu angka haholongan, pauliuli hamu ma dirimuna di atas haporseaonmuna na badia situtu, jala martangiang di bagasan Tondi Parbadia. Amen

Soal CCBE

SOAL CERDAS CERMAT BUKU ENDE

TAON PAROMPUAN HKBP SIANTAR KOTA

RESSORT IMMANUEL TOMUAN 2015

Soal Wajib

1.         BE. 2             ( Naeng Pujionku Ho, Jahowa )

2.         BE. 437        ( Tung na muba do rohangku )

3.         BE. 557        ( Dao dumenggan )

4.         BE. 121        ( Jesus, Raja ni huria )

5.         BE. 127        ( Lam gogo )

1.         BE. 8             ( Jahowa, Jahowa )

2.         BE. 435        ( Marolopolop tondingki )

3.         BE. 716        ( Di na mamolus sandok ngoluon )

4.         BE. 162        ( O Debata, Mansai )

5.         BE. 755        ( Haposan Ho Tuhan )

1.         BE. 3             ( Pujionku Jahowa, ale tondingku )

2.         BE. 720        ( Naeng marsinondang ngolungku )

3.         BE. 167        ( Martua do na marhaposan )

4.         BE. 90           ( Sai marlas ni roha hita )

5.         BE. 228        ( Jesus haposanku )

1.         BE. 9             ( Hupuji holong ni )

2.         BE. 792        ( Pasupasu hami o Tuhan )

3.         BE. 89           ( Ate di dia soropmi )

4.         BE. 211        ( Tuhan Jesus Siparmahan )

5.         BE. 522        ( Surgo i sambulonta do i )

1.         BE. 1             ( Ringgas ma ho, tondingku )

2.         BE. 183        ( Na jumpang au )

3.         BE. 519        ( Tarbege do panjou )

4.         BE. 94           ( Ale Tondingku, naung hehe )

5.         BE. 242        ( Rahis jala maol )

1.         BE. 15           ( Aut na saribu hali ganda )

2.         BE. 374        ( Jesus manjou ho )

3.         BE. 681        ( Ale amang asi rohaM )

4.         BE. 348        ( Lobi timbona dope )

5.         BE. 213        ( Dung sonang rohangku

1.         BE. 10           ( Hupuji hupasangap Ho )

2.         BE. 150        ( Ndang  au nampuna ahu )

3.         BE. 223        ( Husomba Ho Tuhan )

4.         BE. 590        ( Advent )

5.         BE. 470        ( Jesus ho nampuna au )

1.         BE. 12           ( Dipuji rohangkon do Ho )

2.         BE. 385        ( Dijouhon Jesus Ro )

3.         BE. 591        ( Boru sion )

4.         BE. 227        ( Jesus ngolu ni )

5.         BE. 352        ( Beha ma panjalongku  )

Soal Rebutan

1.         BE. 6             ( Puji Jahowa na sangap )

2.         BE. 200        ( Di surgo do alealenta )

3.         BE. 523        ( Songgop tu hami )

4.         BE. 214        ( Sonang di lambung Jesus )

5.         BE. 594        ( Sai ro ma Ho Immanuel )

6.         BE. 575        ( Puji ma Debata na songkal )

7.         BE. 216        ( Gargar dolok )

8.         BE. 450        ( Tung na tarapul do )

9.         BE. 210        ( O Tuhan na marasi roha )

10.     BE. 281        ( Martua do na marhaposan )

11.     BE. 221        ( Saleleng Jesuski )

12.     BE. 352        ( Beha ma panjalongku )

13.     BE. 754        ( Gok las ni roha do au )

14.     BE. 280        ( Tongtong tutu na denggan do )

15.     BE. 117        ( Jahowa Debatanta do )