BAHAN CCA TAON PAROMPUAN HKBP

SOAL-SOAL CERDAS CERMAT BIBEL

PERAYAAN TAON PAROMPUAN

DI HKBP SIANTAR KOTA 2015

Soal Wajib:

1.    Digoari Debata do jolma ni si Adam si Hawa. Aha do lapatan ni Hawa? Hangoluan (ala ibana do ina ni nasa na mangolu (I Musa 3.20)

2.    Jongjong do sada panurirang boruan dung mate si Ehud di tongatonga ni bangso Israel. Dok ma jolo ise goarna? Debora (Panguhum 4.4)

3.    Targoar do si Job di Bibel i halak na daulat roha. Alai diloas Debata do ibana diujuni sibolis, alai dung malua ibana sian pangunjunan i gabe mandohar do ibana diujung ni ngoluna. Adong tolu boru ni si Job dung mandohar ibana, goar hamu ma jolo? Jemima, Kesia, Keren-Hapuk (Job 42.14)

4.    Ise do ina ni si Jakobus, Josep Simon dohot si Judas sisean ni Jesus i? Maria (Mat 13.55; Mrk 6.3)

5.    Masa panggomgomi ni Herodes di tano Judea, adong malim na margoar si Sakaria. Ise ma goar ni jolmana? Elisabet (Luk 1.5)

1.    Tarbarita do si Nabal halak na mora jong, tolu ribu birubiruna, saribu hambingna maringanan di Maon. Ise do jolmana na uli rupana jala na lambok rohan? Abigail ( I Sam 25.3-4)

2.    Tarrimas do angka ianakhon ni Lea marnida na masa i, pola ingkon marsangkap nasida laho mambalos. Ise do ma goar ni ianakhon si lea na tarrimas i? Simeon dohot Lewi (I Musa 34.25)

3.    Laho do si Simson tu Gaza jala jumpang ma boruboru sibabijalang laos di topot. Ise do goar ni boruboru na ditopot na i? Delila(Pang 16.4)

4.    Adong do panurirang boru ni si Penuel naung mabalu marumur 84 taon, jala ndang olo ibana meret sian joro i, sai marpuasa jala martangiang mangoloi Debata arian dohot borgin. Ise do goar ni boruboru i? Hanna (Luk 2.36)

5.    Tarbarita do si Timoteus halak na porsea di jolo ni Ap. Paulus. Alai ise do goar ni ompung boruna dohot inana i? Si Lois dohot si Eunike(II Tim 1.5)

1.    Dibuat si Lamek do dua jolmana. Ise do goar ni namanubuhon si Jabal dohot si Jubal? Ada( 1 Musa 4.20-21)

2.    Ise do na laho maisolat tu huta Moab dohot parumaenna na dua i, uju masa haleon potir di Betlehem? Naomi (Rut 1.8)

3.    Adong dua halak jolma ni si Elkana, anak ni si Jeroham, tubu ni si Elihut, tubu ni si Tohu, tubu ni si Sup halak Eprata. Goari ma jolmana na dua i? Hanna dohot Peninna (I Sam 1.2)

4.    Asa dung salpu ari Sabbat adong 3 halak na manuhor ragamragam ni na hushus laho mamiahi bangke ni Jesus ima si Maria Magdalena dohot si Maria ni si Jakobus. Ise do sada nai dongan nasida na manuhor, ise do goarna? Salome ( Mrk 16.1)

5.    Ise do goar ni parompuan partigatiga abit hasumba na sian huta Tiatira jala olo tardidi dohot dongann sajabu? Lidia ( Ul 16.14-15)

1.    Ise do goar ni iboto ni si Laban na dilojongna manjumpanghon tu sumur i? Rebekka (I Musa 24.29-30)

2.    Didok si Kaleb do manang ise na papatu(menggempur) Kiriat Seper jala ditaban, lehonon na ma boruna bahen jolmana. Ise do goar ni boru ni si Kaleb? Aksa (Jos 15.16)

3.    Adong do sada panurirang boruboru na mangula di Yerusalem na jinumpangan ni malim Hilkia ujui. Ise do goar ni panurirang i? Hulda ( II Raja2 22.14)

4.    Uju na tarsilang Jesus adong na paihutihut Ibana sian Galilea patureture Ibana. Angka ise nasida? Maria Magdalena, Maria ina ni Jakobus dohot Josep dohot ina ni angka anak ni si Sebedeus( Mat 27.55-56)

5.    Di tingki si Petrus sahat tu huta Lidda tu huta Joppe dipangolu si Petrus do na mate. Dok ma jolo ise boruboru na pinangolu na i? Tabita ( Ul 9.40)

1.    Dung mangodang si Esau dibuat ibana do jolmana sian boru Kanaan ima marga Het, sada na i sian Marga Hevi. Ise ma goar ni jolmana i? Ada marga Het dohot Ahilibama, marga Hevi (I Musa 36.2)

2.    Tarbarita do hagabe do raja Daud, gok pinomparna. Ise do goar ni anakna paionom si Itream do. Ise na manubuhon si Itream i na tinubuhon ni Daud di Hebron? Egla ( 2 Sam 3.5)

3.    Tubu ni ise do si Haran, Moza dohot si Gazis angka anak ni Kaleb? Epah ( I Kronika 2.46)

4.    Angka ise do na mulak sian tanoman i, dung dibaritahon surusuruan i naung hehe Jesus sian na mate? Maria Magdanela, Johanes dohot Maria ni si Jakobus ( Luk 24.10)

5.    Ise do na gabe dongan ni si Paulus mangula di huria Kenkrea? Poibe ( Rom 16.1)

1.    Adong do anak ni Lea na tubu ni si Jakob na solo roha ni si Sikem. Ise do gaorna? Dina (I Musa 34.1-2)

2.    Dung marujung ngolu si Azuba, ise do dibuat si Kaleb gabe jolmana? Eparat (1 Kronika 2.19)

3.    Gabe do si Daud di pinompar, jala buhabajuna margoar si Amnon. Goari ma jolo ise do na manubuhon si Amnon? Ahinoam ( II Sam 3.2)

4.    Dipasahat Ap. Paulus do tabe tu donganna saulaon di huria Rom dihatiha manongos suratna tu si Akuila. Ise do dongan saripe ni Akila? Priskilla (Ul 18.2)

5.    Adong do parompuan na pinamalum ni Jesus sian pitu tondi na hodar dongan ni si Maria Magdalena, jolma ni si Kusa. Ise ma goarna? Johanna (Luk 8.3)

1.    Bangkit do si Sedekia gabe raja di Jerusalem, 11 taon lelengna, ise do goar ni na manubuhon raja Sedekia i? Humuntal (2 Rajaraja 24.18)

2.    Adong do iboto ni si Musa dohot si Aron sian ina na si Jokbehed? Ise do goar ni iboto nasida i? Miryam ( IV Musa 26.59)

3.    Ise do na manubuhon si Zimran, Joksan, Medan, Midian, Isbak dohot si Sua ianakhon ni si Abraham? Ketura ( I Kronika 1.31)

4.    Dimiahi iboto ni si Lazarus marhite miak Narsus jala obukna do dibahen mangalapu, ise ma goarna? Maria (Yoh 12.3)

5.    Mardos ni roha do Ananias dohot saripena manamondingjon tuhor ni tano na ginadis nasida, dok ma jolo gaor ni saripena i? Sapira (Ul 5.1)

1.    Si Zilla ditubuhon do si Tubal Kain pande ni sude angka sipauli tombaga dohot bosi, ise ma goar ni ibotona? Naema (1 Musa 4.22)

2.    Tubu ni ise do Samuel? Hanna (I Sam 1.20)

3.    Dung marumur 12 taon si Manase, dipabangkit do ibana gabe raja di Jerusalem, dok ma jolo ise do goar ni inana? Hespiba (II Rajaraja 21.1)

4.    Manatapnatap do sian na dao deba inaina, songon si Maria Magdalena, si Maria ni si Jakobus na umposo, angkup ni i ina ni si Josep dohot.......? Salome ( Mrk 15.40)

5.    Huapoi ma hamu asa marsada ni roha di bagasan Tuhan i. On ma sada tona ni Ap. Paulus tu huria Pilipi lumobi ma i ditonahon tu ise? Eudia dohot Sintike (Pil 4.2)

Soal Rebutan:

1.             Dibuat si Amram do namboruna gabe jolmana, gabe ditubuhon ma di ibana si Aron dohot si Musa, ise do goar ni jolmana i? Yokhebed( II Musa 6.20)

2.             Ise do goar ni jolma ni si Melkisedek na borhat tu huta Moab uju masa haleon potir? Naomi

3.             Ia tusi ho lao, ingkon tusi ihuthononku......bangso nama bangsoku, Debatam nama Debatangku. Pandohan ni ise do tu? Rut (Rut 1.16)

4.             Ise do ni ina panarusan ni si Rebekka? Debora

5.             Goar ma jolma boru ni si Laban na binuat ni Jakob na gabe jolma na? Lea dohot Rahel

6.             Dibuat si Musa do boru ni Jitro gabe jolma. Ise ma goar ni jolma ni si Musa i? Zippora ( II Musa 2.21; 18.2)

7.             Dipillit raja Serses do sada anak boru na gabe jolmana sian huta Susan. Ise ma goar ni boruboru i? Ester (Ester 1-2)

8.             Adong do sahala boruboru na mananginangi sian duru ni jabu i uju si Petrus di bagas ni si Maria ina ni si Johanes na margoar huhut Markus. Ise do boruboru i ? Rode ( Ul 12.12-13)

9.             Ise do gaor ni jolma ni si Epah? Kaleb ( 1 Kronika 2.46)

10.         Disuru Debata do panurirang Hosea mambuat boruboru hombar tu pamillithon ni Debata. Ise do goar ni boruboru i? Gomer (Hos 1.3)