ACARA MANGOMPOI JABU HURIA

gr.abnerpanjaitan

"ACARA IBADAH "

01.Marende Huria BE No. 227: 1+4  “ Jesus ngolu ni..”BL. 26

            1.Jesus ngolu ni Tondingku, Ho do haporusanki,

                Gok di Ho nama diringku, Ro di nasa langkangki

            2.Tangkup au Jesus Tuhanku, Tiop au  mansai gomos,

               Asa unang runsur pathu, Sian dalan na tingkos.

02.Votum : U = Uluan;   S = Sude Ruas

U:   Marhite-hite Goarni Debata Ama,

S:  Amen

U:  Dohot Goar ni Anakna Tuhan Jesus Kristus

S:   Amen

U:   Dohot Goarni Tondi Parbadia na manompa langit dohot tano on.

S:   Amen

U: Pelehon ma tu Debata hamauliateon, jala gararima angka baga-bagami, tu natumimbuli, manang ise namamelehon hamauliateoni, ido na pasangap Ahu, jala mambahen lapang asa hupatuduhon di ibana hatauon ni Debata.

U:  Martangiang ma hita : Ale Debata Amanami Pardenggan basa nasumurung . Na ro do hami tu jolom mamboan puji-pujian dohot mauliate ni roha nami tu adopanMu. Apala di tingkion dilehon Ho do hami sonang so haribo-riboan , mardame-dame, jala mardenggan-denggan di angka parsaoran si ganup ari.

S:   Tung balga do las ni roha nami sadari on, siala Bagas ni hurianta mamasuhi bagas na uli on.

U:   Sai inganan pangalapan  ni Tua, pasu-pasu jala hadameon na sian Tuhanta ma bagas on di hami saluhutna: Padao ma namambahen parmaraan, songgot-songgot,manang parsahiton di hami sude.   Patongon hombar jabu dohot dongan sahuta rodi ale-alena marsihohot di hatam di luaton.

S:   Tambai nang pansarian dohot pangabahan na tama di hami dohot di angka ianakhon rodi pinompar nami, asa lam tau hami mamuji jala pasangaphon Ho, marhite-hite Jesus Kristus Tuhan nami.

U:   Paingot hami saluhut ale Tuhan Jahowa, asa unang holan arta portibion huringkoti hami, alai asa mangarade hami di bagas nasumurung di Banua ginjang naung Pinaradem, naso targagat ni ngitngit dohot tasik.  Dibagasan goar ni Jesus Kristus Tuhan nami.  Amen.! 

03.Marende Huria BE No. 102: 1  “ O Tondi Parbadia i bongoti….“   BL. No. 206

1.O tondi Parbadia i, Bongoti roha nami be, Ro,

   sipatiur roha, O, sondang sian surgo i, Sondangi

  roha nami be, Tu halalas ni roha. Asa, masa

  Patupahon pinodahon ni hataMu, Sai tu hami ma

  rohaMu.

04.Hatorangan : U = Uluan;  R = Ruas

U:  Dibagasan goar ni Debata Ama, Anak dohot Tondi Parbadia ma    tapungka amasuhi bagasaon.  Ai molo so Jahowa paullihon bagas, loja sambing do angka na mamandei ,  Molo so Jahowa marhal, dang marniula hadudungo ni parhal.  Haleluya. !.

R:   (Mangendehon BE No. 112 : 1 “O Tondi Parbadia i, bongoti …B.L. No.206”

          Haleluya, tapuji ma, Amanta Tuhan Debata, Dibaen denggan basa Na.Pasangap Debatanta i, Di bahen asi rohaNa.Sangap-sangap, Hagogoon, Hatoguan, HapistaranDi Amanta na di Ginjang.

U:   Jesus Kristus ido Mesias nagok hapistaran i, Ibana na marhuaso di sandok Bagas on, jala Ibana ma namangalehon hapistaran na sian Jahowa tu pangisi ni     Bagas on, ai hapistaran ni angka parompuan pajongjong jabuna, alai anggo na         oto, laos tanganna sandiri mangalohaisa.

R:    (Mangendehon B.E. No. 112: 2   “ O Tondi Parbadia i bongot BL 206”)

        Haleluya di Jesus i, Talehon hasangapon i, Nang pe Puju-pujian Di lehon do mudarNai, Mamuri hita sasude, Parade hatigoran,           Denggan, denggan, Parsaoranta tu Tuhanta, badiaNa,

                Songgop do tu HuriaNa.

U:    Tondi Parbadia i ma mangondihon bagas on nang pangisina, asa hot diojahanna, Paima haroro ni Tuhanta, ai tapaima-ima do huta na marojahan na hot, na pinandean jala na pinauli ni Debata.

R:     (Mangendehon B.E. No. 112: 3  “ O Tondi Parbadia I, bongoti… B.L. No. 206  “)

         Haleluya di Tondi i, Na sangap na badia i , Tadok mauliate.  Aut unang saor Ibana tu, Rohanta na so dung togu, Luhutna do mandate. Tua,tua, ma jambarta, bahenonNa salelengna, Di adopan ni Debata.

05.Marende B.E. No. 238: 1   Ihuthon Au sude hamu B L. 93

                1.  Ihuthon  Au sude hamu, Didok Tuhanta Jesus,

                      Sai soadahon dirimu, Hatangku ma patulus,

                      Alai bolongkon ma sude, Parulaon muna so ture      

            2.      Sai Au panondang di hamu, Di dalan hangoluan,

                      Naeng unang lilu be hamu, Dao dohot hamagoan,

                      Au parhitean di hamu, Tu hasonangan situtu.

06.Martagiang :

U:    Ale Tuhan Debata, parasi roha na sumurung, Mauliate ma roha nami di Ho, ala godang ni asi dohot holong ni roham.  Diurupi Ho do huriam pauli bagas na uli sian na mamungka sahat tu na paujunghonsa. Ndang tagamon so godang halojaon parungkilon dohot holso-holso ni roha nasida papungupungu sinamot na ringkot tu pembangunan ni bagas on,. Ndang tung    so humasusa pingkiran nasida, lumobi ala pintor mangadopi hamaolon di pembangunan on, alai tung di pasingkop Ho do na ringkot tu ulaon on, gabe dimpos jala sirsir saluhutna songon naung hubereng hami nuaeng.  Pasu-pasum doi Tuhan, jala hupuji hami ma goarMu ala ni saluhutna i.

R:     Ima tutu ale Tuhan, suru ma TindiM, Tondi Parbadi i tu ganup hami pangisi ni bagas on, asa jumaing hami dame, las ni roha, hatuaon, parsaoran na tama,         asa        jumpang di hami holong masihaholongan marhite-hite goar ni Jesus               Kristus Tuhan nami.  

 U:   Rap mandok ma hita di tangiang hatopantai : “ Ale Ama nami na di banua              ginjang……..”

                      U:    Tangiang Pasu-pasu : ……

  R+U: Rap Mangendehon : (B.E. No. 36: 1   “ Pasu-pasu , O Debata nami…B.L. No. 4.”)

                1.      Pasu-pasu hami, O Debatanami,

                          Sai sondangkon bohiMi, Tu napungu on sude.

Rap mandok ma hita tolu hali : HORAS...HORAS…HORAS !!!