Konser Lagu Rohani Koor Ama Huria

gr.abnerpanjaitan

Sude na marhosa Ingkon mamuji Jahowa (Psalm 150.6)

Tung masihol do ganup na porsea manghatindanghon isi ni rohana laho pasangaphon Tuhan i di ngoluna. Tingki naueng on, pujipujian tu Debata nunga terasa semaki sunyi dan kering, molo adong pe pamujionm, jotjot nihilala hurang menyala semangat haporseaon disi. Memang ndang boi gabusan diri, jotjot do pamujionta hanya sebatas rutinitas formal, ndang sian roha parbagas, ujungna gambar hurang impolana "hambar". Boasa? Ala pamujionta tu Tuhan Debata salah sasaran, jotjot holan pamangnta mandok na Debata do paluahon hita, hape rohanta mandok gogongku, pingkirangku, hamaloonku do na paluahon ahu. 

“Mandok Mauliate” Hamaolon boi do mambahen lupa hita mandok mauliate tu Debata. Alai anggo Ap.Paulus ndang marnaloja ibana mandok “Mauliate” nang pe godang diadopi ibana parungkilon, hamaolon na marharoroan sian halak Jahudi na secara luar biasa dibagasan panghobasionna (ay 2). Tongtong do dihalashon jala dihamauliatehon ibana siala haradeon dohot hasatiaon ni huria Tessalonika manjalo dohot manghangoluhon “Hata Ni Debata” nang pe masa pangaleleion i. dipanigot marhite las ni roha di pandohan hata”Mauliate” ndada holan ala ni tamba materi manang hamoraon ni parngoluan siganup ari, alai ala denggan mardalan Barita nauli I jala mangpanghorhon marhite panjaloon dohot haoloon ni huria Tessalonika pola didok sahat na dilelei nasida. I do umbahen na digoari Ap.Paulus huria Tessalonika on “ Mahkota Kemenangan”. Ai rade nasida manaon siala hata ni Debata jala I do tohap manang bagian ni angka siihuthon Kristus ( pat Mat 16.24). “ Paniru ” Ia hataridaan ni angka naung manjalo hata ni Debata I ma gabe “Paniru” di angka na dibagasan Krisrus Jesus ( ay 14. Pangorhonon ni pangulaon ni Hata ni Debata  dibagasan diri ni halak naung manjalo pe adong do patubu sitaonon di angka siihuthonTuhan I sian angka donganna sabangso, sahuria, saulaon. Tung las do roha ni Apostel I marnida haporseaon ni huria I, ala burju do marhaporseaon ruas ni huria i. unang lomos roha ni huria I, ala nunga jumolo angka panurirang manaon pangunjunan i ( pat Ul 7.25).

Taon 2010 diprogram Punguan Ama Huria HKBP Pardomuan Ressort simalingkar do sada perubahan nilai pamujion di jolo ni Tuhan i asa lam tung tangkas denggan marsaor pamujion ni roha, pamangan, pingkiran dohot gogo pasangaphon Tuhan. Diuji do boha do nilai-nilai ni sada ende pamujion i di jolo Debata. Dibentuk do team laho pahembanghon ulaon marhite kerja sama team na dibentuk BPH asa lam tu dasip jala marsitutu sude anggota dohot panitia na niurupan ni pengurus BPH. Dipungka do persiapan tu ulaon Konser on sian bulan Pebruari 2010, nang pe nian nunga di taon 2009 nunga songon na diarbishon di tongatonga ni punguan i, mardalan do denggan latihan. 

Nunga gonop 18 taon huria HKBP Pardomuan marsaringar mamboan barita las ni roha di luat Simalingkar-B, na maringan di Kec.Medan Tuntungan Kota Madya Medan.  Sihol ni roha na mangonjar punguan on gabe mandasori pamujion laho paboahon tu sandok portibion barita ni Debata marhite ende pujipujian. Dohot kerja sama na denggan ditongtonga ni punguan Ama Huria, tarpatupa do sada Konser Ama na parjolo sahali dipamasa di Huria HKBP Pardomuan Ressort Simalingkar on. Diparade Panitia konser on 12 lagu pamujion na gabe silua na arga di jolo ni Tuhan, na niuluhon ni amanta Parluhutan, Lumbatoruan, SPd. Nian adong angka hamaol dohot parungkilon na jumpang di kegiatan i isara na ala kondisi anggota, kehadiran, dohot angka lan na asing, alai mauliate do dohot ndang gabe tarambat ulaon pamujion di Tuhan.

Personil punguan ama na mandohoti Konser on;

1. Suara Tenor I. St.B.Nainggolan; St.P.Aritonang;St.Drs.I.Manurung; J.Lumbantobing; D.Pasaribu; Drs.K.Lumbantoruan; H.Sitinjak; P.Lumbantoruan,SPd 
2. Suara Tenor II. Drs.R. Sianturi; Gr.Abner Panjaitan; S.Maharaja; St.E.Panjaitan,ST; J.Sitorus; St.S.Pasaribu.SH; GM.Harianja
3. Bass I; St.M.Hutabarat; St.D.Simanjutak; Drs.T.Pasaribu; A.Siagian; H.Sitompul; S.Hutagalung
4. Bass II; St.J.Sitanggang; St.Drs.S.Simbolon; Drs.M.Silaban; P.Naibaho; RWJ.Pasaribu;  

  Sai anggiat ma marhite konser on gabe lam boi taida parbue ni pamujionta sian konser on,  patamba haporseaon, patoguhon hadirionta laho mangiuthon Tuhan i. Marhite ulaon pe tahirim do pangalaho dohot parngoluon di bagasan huriaon lam denggan tu angka tingki nanaeng ro. Tuhan i ma tapasangap di ngolunta on. Taarahon ma sude na ngolunta on laho psangapon Tuhan. Syalom................

                                                                                                                                                                                           

I. Acara Ibadah

Hatorangan U=Uluan; H=Huria

=======================================

1. Marende BE. 10.1-2 ”Hupuji Hupasangap Ho                                             BL.128

¨       Hupuji hupasangap Ho, amang pardenggan basa

Ai jadijadianMu do sude angka na masa

Ditompa Ho do sasude, dangingku ro di tondi pe.

Pinuji ma goarMu.

¨       Tongtong pasangapoku Ho saleleng au mangolu

Paratarataonku do barita ni goarMu.

Pamatang dohot tondingki, ingkon mamuji sangkapMi.

Pinuji ma goarMu

2. Votum:

U: Marhitehite Goar ni Debata Ama dohot Goar ni AnakNa Tuhan Jesus dohot Goar ni Tondi Parbadia, na manompa langit dohot tano on.

H: Amen

U: Marolopolop tu Debata ma ho, ale sandok tano!

H: Endehon hamu ma hamuliaon ni GoarNa marmulia bahen hamu pujipujianNa.

U: Dok hamu mandok Debata: Tung na songkal do angka pambahenanMu! Binahen ni hinatimbul ni gogoM ingkon marsomba tu Ho angka musuM.

H: Puji ma Debatanami, hamu ale angka bangso, jala patubegehon hamu ma soara pujipujianna!

U: Dibahen i masuhangku ma jabum, mamboan angka pelean situtungon, manggarar angka bagabagangku tu Ho.

H: Tu ibana do joujou pamanganku, jala pujipujian mampe tu dilangku.

U: Pinuji ma Debata, na so manulakkon tangiangku manang asi ni rohana pe sian ahu. Martangianga ma hita; Ale Tuhan Jesus, Tuhannami! Na mandok mauliate do hami tu Ho, ala ditaluhon Ho dosa dohot hamatean marhitehite hamamateM i, ala disondangi Ho tanomannami, asa marpanghirimon na mangolu hami ala haheheonMi. Ndang pola mabiar hami mida hamatean, ai Ho do ulunami, ruasMu do hami. Dipausat Ho do hami sian haholomon tu hatiuron, sian hamatean tu hangoluan. Antong pargogoi ma hami mamujimuji dohot mangoloi Ho ariari, pasangahon Ho di bagasan haporseaon na mangolu, paima sahat hami tu lambungMu. Amen

3. Marende. BE. 361.1-2 Na denggan situtu                                                    BL.157

¨        Na denggan situtu do mamuji Debata

                     Jahowa na tumimbo, na sai tongtong basa!

                     Denggan do paboahon manogot asiMi,

                     Bodari mangendehon, burjuM nang sintongMi.

¨       Mardonga sipiltihon na denggan situtu

                     Naeng ma tongtong pujian ni nasa na burju

                     Ho, Tuhan Debatangku ai las ni rohangki

                     Do na tongtong binaenMu di pambahenanMi.

4. Epistel: Judas 1.20-25.

U: Alai hamu, angka haholongan, pauliuli hamu ma dirimuna di atas

     haporseaonmuna na badia situtu, jala martangiang di bagasan Tondi Parbadia!

H: Ramoti hamu ma dirimuna di bagasan holong ni roha ni Debata! Maimaima ma hamu di asi ni roha ni Tuhanta Jesus Kristus, asa sahat hamu tu hangoluan salelenglelengna.

U: Ajari hamu ma angka na ganggu roha i!

H: Palua hamu ma nasida, rampas hamu ma nasida sian api; marasi ni roha ma hamu di na deba, huhut mabiar, hagigihon hamu ma nang abitna, naung niramunan ni sibukna.

U: Alai hasangapon ma di Ibana na margogo mangaramoti hamu, unang tinggang, jala pajongjongkon hamu marolopolop, so martihas, tu adopan ni hasangaponna!

H: Di Debata na sasada i, na paluahon hita marhitehite Jesus Kristus, Tuhanta i, di Ibana ma hasangapon, hamuliaon, hagogoon dohot parhuasoon sian mula ni mulana, nang nuaeng, nang ro di salelenglelengna! Amen.

U: Inta ni do sahat na. Martua do na tumangihon hata ni Debata jala naumpeopsa.

H: Amen

5. Marende BE.125.1,3 Marlas ni roha on                                                                         BL.82

¨       Marlas ni roha hita on, mamuji Debata

Ai asi ni rohaNa do bongot tu rohanta i.

umbaen nuaeng mardomu i, dison sadarion, dison sadarion

¨       Alai taingot ma huhut mambaen sangap tongtong

Barita ni Tuhanta i marhite parangenta i.

Di jolo ni donganta i.:,: Diatas tano on:.:

6. Jamita:

7. Marende BE. 581.1- Sangap di Jahowa          (P.Pelean)                             BL. 581

¨          Sangap di Jahowa na sun timbul i, balga ni holongNa ndang tarsam i

            Dilehon anakNa na sadasada i, manobus hita jolma pardosa i.

            Puji ma, Debata, ale manisia, las rohaM, las rohaM somba Debata

            Dapothon Jahowa na sun timbul i, marhite AnakNa Tuhan Jesus i.

¨             Tung so hasuhatan do basaNa i, marhite AnakNa ni lehonNa i.

                    MudarNa durus do di hau silang i, rara pe dosanta ias di baen i.

              Reff. Puji ma…..

.           ..............................................(organ/musik)....................................................

¨         Balga situtu pambaenMi Debata, tung hasuhatan holong ni rohaM.

           Tu jolma pardosa asi do rohaM, di ungkap Ho dalan lao tu

           banuaM.Reff: Puji ma.....

8. Tangiang Pelean & Pasupasu

II. Acara Puncak Kegiatan:

1.        Konser Lagu Rohani ” Sesi I”

2.        Snack & Bintang Tamu

3.        Konser Lagu Rohani ” Sesi II ”

4.       Lucky Draw

 "LAGU-LAGU NA DIENDEHON"

1. ”Puji Hamu”

Puji hamu, puji hamu, para denggan basa,

parasiroha do Debata salelenglelengnai.

Puji hamu, puji hamu, puji hamu puji ma Debatanta.

Pardenggan basa, parasiroha, parholong roha do Debata, Debata

                    Na hot tongtong, tapuji ma, tapujima Debata.

                    Tapuji ma, tapuji ma, tapuji ma Debata.

                    O Debata, tapuji ma, O Debata, tapuji ma,

                    O Debata, ala holong ni Debata hot.

                    Saleleng na do, salelengna do.

                    2. Sai Marsuraksurak Ma

                    Sai marsuraksurak, sai marsuraksurak ma

                    Hita sasude Na maringanhon sandok taon.

                    Tapagiar ma soaranta be gogo, mamujimuji Tuhan Debata.

Marolopolop ma sudena tano on, mardongan arba ogung pe.

Tapasangap ma Debata tongtong na mangomgomi portibion, sasude. (kembali. Marolopolop..)

                    O laut pagogo ma parhasakmi, tano on pe marolopolop ma.

                    Sai martopaktopak ma baen tanganmi, o batang aek di Debata.

                    O dolok puji ma Jahowa Zebaoth, gok do hasangapona i.

                    Ai Ibana do dimulana i ro di salelenglelengna i Tuhan.

3. Partano Batoan

Mardongan Tuhanta, mardongan Tuhanta, tapungka be.

Sude na ulaonta rap dohot Tuhanta sitompa sude.

Rap dohot Tuhanta sitompa sude, ai Ho do O Tuhan tongtong haporusan.

Partanobatoan, partanobatoan, bona nang ujungna do Ho sai tongtong.

Bona nang ujungna do Ho, sai tongtong.

                    Mardongan Tuhanta, mardongan Tuhanta, tapungka be.

                    Sude na ulaonta rap dohot Tuhanta sitompa sude.

Rap dohot Tuhanta sitompa sude, ai Ho do

O Tuhan tongtong haporusan. Partanobatoan, partano batoan,

bona nang ujungna do Ho sai tongtong.

Bona nang ujungna do Ho, sai tongtong, do Ho sai tongtong.

                    4.Tuk do Basani Debata

Maradu so tarpodom sipata jolma i,

ala sai loja marpingkir arian nang borgin pe.

Dirimpu pingkiranna, manang gogona i,

na mangalehon ngolu siganup ari.

Tuk do basabasa ni Debata, di angka na tinompaNa i sude.

I do sihalashon ni rohanta mauliate tadok tu Tuhan i.

Soadong na hurang di Debata, rade do i di manang ise pe.

Molo unduk do jala serep rohanta, sai lehononNa pasupasuNa i

(kembali; Tuk do basabasa....)

                    Tahasabamhon ma sude, basabasa ni Tuhan i.

                    Ai tung godang do pasupasuNa pangoluhon hita be.

                    Sai taramoti ma tongtong, sude na sian Tuhan i.

                    tapangke ma lao pasangaphon mamujimuji Tuhan i.

5.Tuhan i do na mangampehon

Molo Tuhanta do na mandok, so tarjua be i.

Ai tung lomoNa do sude, nasa na adong.

Tu manang dia pe na masa, sian pamotoanNa do.

Tung pangaturNa do tahe, ngolunta on.

                    Tuhan i do na mangampehon i, siporsanon, sitaonon i.

                    Tuhan i do na paloashon i, pasonggophon parungkilon i.

                    Naeng lam mananda do hita disi, di angka dalanna i.

Lam pasohothon tu Tuhan i ma i, angka na masa na binahenNa i.

Tung unang ma gale haporseaon on i, jala unang ma gabe tu pandelean i.

                    Tuhan i do na mangampehon i, siporsanon, sitaonon i.

                    Tuhan i do na paloashon i, pasonggophon parungkilon i.

                    Lam tapasolhot ma tu Tuhan i, siparasiroha i.

                    6. Disarihon do hita

                    Disarihon do tongtong ngolunta saleleng mangolu di tano on.

                    Sahat rodi salelenglelengna do, asi ni roha ni Debata.

                    Ndang mansadi holong ni rohaNa tahe, pangoluhon tinompaNa i.

                    Alani unang be sai holsoan rohanta di nasa na ringkot i.

                    Hangoluan salelengleleng na do diparade Tuhanta i.

Ai gari bunga di ladang i, dohot pidong na martongatonga langit i.

Disarihon Debata, diparmudu Debata, lam hita ma so disarihon Debata.

Lam hita ma so diparmudumudu Debata, asal ma sai porsea hita

Di Tuhan Debata na holong roha sai tongtong lehonna do sude.

                    Ai angka na holsoan dingolu dipanganon, parabiton na be.

                    Na sai holan mamingkirhon ngolu na di tano on,

                    Na somanarihon ngolu ni tondi na salelengleleng na i.          

                    Ai arta di portibi on na lao salpu do sasude.

                    Dibahen i sai golom arta na sumurung i      (kembali; Ai gari bunga...)

Sai porsea ma hita disi, di sarihon do hita tongtong

Unang ganggu be hita disi !!!

                   

7. Paranga ni Kristus

Sai ro, sai ro ma ho taihuthon Jesus Tuhan;

O hamu parangan ni Tuhanta i, na marhamonangan disilangNa i

Kristus i do ulu sipartogi i, na marlombulombu tu mandere silang i.

Haporseaonmu, partahananmi, ima hamonangan di tongtongan i.

                             O hamu sude parangan angka na tongtong saroha.

                             Di huria ni Tuhanta, marlas roha nda nasida dohot na porsea.

                             Sai lam tapasada angka ruas i, rap marpangkirimon ma di asi rohaNi.

                             Haporseaonmu partahananmi, i ma hamonanganmu di tongtongan i.

                             (kembali; Sai ro...)

                             Rap ta hamonanghon silang i !

                    8. O Sion Nauli

                    O sion nauli togam do ho, alamanmu sere do.

                    Ho huta na jengkar dame tongtong na masihol do ahu tu ho.

                     Reff:   Huta ni Tuhanta i, tung so adong do tudos tusi, na marsinondang

                            Disi dame ni Tuhanta i, manggalinggomi sandok huta na songkal i.

                         O hinauli ni huta i, andingan pe sahat ahu tusi.

Idaonku ma disi, tandaonku Tuhanki denggan na i.

Sonang na i, molo dung sahat ahu tusi.

Jerusalem ho huta nauli. (kembali ke reff.. )

                   

9. Na marhalado i di Huria

O Debata tangihon ma tangiang nami on.

Tangiang ni sude na punguon, sai parohai, tongtongo tiroi, huhut sai pargogoi

Ma naposoM pinillitMi , marhite tondiMi, marhaladoi di huriaMi.

Unang adong nasida na tarurak na gabe partuktukhan,

                Na gabe pargasipan di huriaMi, sai hala na marroha na malo marpangontik.

                Na so sisobur tuak, so halak siparmuruk, alai sai sitiruon sude pangalahonan,

                parroha sipardame malo manogunogu.

                Tuhanku, Tuhanku sia pargogoi tongtong naposoMi Amen, amen. amen

                10.Sauduran dibagasan Tuhan Jesus

                Uli nai, denggan na i molo rap sauduran, namarhahangi.

                Marpungu rap marende, ende pujipujian, pelean na badia pasangap Debata.

Hita huria Kristen Batak, na marhahaanggi dibagasan Tuhan Jesus.

Tongtong ma sauduran, mansiurupurupan, Jesus Tuhantai ma marsinondang dirohanta.

Unang mansijujuran molo dapot hahurangan, alai mansibolusan asa jumpang na denggan

Unang masilatean, unang mansihosoman mardamedame ma pasangaphon Debata

                Hita huria Kristen Batak, na marhahaanggi dibagasan Tuhan Jesus.

Mansiaminaminan songon lampak ni gaol, masitungkoltungkolan songon suhat di robean.                Paukpauk hudali, tu pangopango tarugi, na tading taulahi, na sega tapauli

                Mansiajaranajaran mansianjuajuan, sai masihaholongan mamuji Debata.

Unang oloi hamuna, sibolis i, sibolis i pamolamola,

Ai Tuhan Jesus Ulu ni Huria, mian ma Tuhanta dingolumi.

Ai tuhan Jesus Raja ni Huria, pujionku tongtong goarMI.

11. So Tung Tarlalap

So tung tarlalap, so tung tarlalap dingolumi.

So lupa ho di dirimi, unang lilian, so tung lilin

Dibahen arta ni portibion, ai tung bagak nang uli pe i.

Jala suksuk diadopanmi, dung di tingkina salpu sude na i

So adong na manontong i, ai laho sego do sude na i.

                    Godang do jolma, lilu dibahen rohana I,

                    Lao manimbil sian dalan hasintongan i.

                    Dipangasahon gogo ni dirina.

                    Pasarisari arta na di tano, marlomolomo pasombu rohana

Lao mangoloi hisaphisap ni daging na dihalupahon

Na manjadihonsa na lao tu aha mahangoluanna.

                    Antong so tung lalap do tung ma lalap hita.

                    So tung ma lalap hita, so tung malilian so tung lilian hita.

                    Sai ingot ma ise na marmudumudu hita.

                    Na mangarade angka na ringkot di hita.

Unang ma lupa disude basabasani Tuhan i, Tuhan siparasi roha i.

Sai parhaseang tingki tu na marguna unang mansohot.

Na dengga i ulahon, manatmanat diparngoluonmu.

Asa ture sasulut na langkamu, hatana ido arta na ummarga.

Sian sasude mambaen taruli ho di surgo i.

                   

                    12. Ama na marsahala

                    Sai pasupasu ma hami, O Tuhan Debata.

                    Jala sai parsahalai, marhite tondiMi.

                    Ama na pinabangkitMu, gabe partogi di huriaMi.

Ama na marsahala, ima na radot jala padot. Pantas ma roha,

Jala haposan parholong roha tu dongan jolma songon sisean ni Tuhanta Jesus.

Ama na tau tiruan, ama pangajari na burju, marpos ni roha parasiroha

Jala porsea manghangoluhon asi ni roha ni Tuhanta Jesus.

                    Ama pangajari di rumah tangga, Ama paniroi ditonga ni huta

                    Ama sitiruon di tonga ni huria ni Debata

                    Ama na diontang marhobas di huria, rap mangula ma raphon Tondi Porbadia,

                    Laho mandopang sumbia ni dosa, ama sitiruon ama na burju jala na marsahala.