Pahot Ma Haporseaonmu

Pangk 2.1-11

Panandaon di Debata ndada holan di angka ulaon las ni roha dohot di tingki jumpang olopolop alai boi tandaonta marhite angka arsak ni roha manang habotniroha pe. Ra sungkun sungkun do rohanta boasa pola loason ni Debata jumpang di ngolu ni angka na porsea ro pangunjunan, parungkilon, hasusaan, mandate dipardalan ni ngoluna. Adong do apala sangkap ni Debata na naeng idaonta sian i. Molo taida dipandohan ni Jesus; Gabe hulehon tu nasida hangoluan salelenglelengna ndang be mago nasida salelenglelengna jala ndang tarrampas manang ise nasida sian tanganKu,(Joh 10.28), lapatanna sude na niae ni angka na porsea i ndada gabe marhuaso sibolis pamagohon ngoluna sian asi dohot holong ni rohaNa. Dihagandaon ni haporseaon dohot di las ni roha do panandaon di Tuhan Jesus na tuk paluahon dohot dipangurupion dapot hita gogo sian angka sude hamaolon dohot las ni roha dingolunta on (ptds 2 Petr 3.18). Didok si Johannes do angka tantangan na niadopan ni huria i, na ro angka pargapgap manopot huria i(ay 2), gabe tubu ma angka parpoda haliluon. Ido na nidokna " Ulahon ma angka ulaonmu na parjolo i" ima ngolu na dibagasan holong ni roha (ay 4). Dipapita Apostel Johannes do haporseaon ni huria asa unang mabiar mangulahon sude naung suan dingolu nasida nasailaon, sadsa sian ulaon ima "Denggan Marroha", jala ditatap si Johanes do angka na masa i ditongatonga ni huria i. Naeng idaonta ma songon dalanta laho pahothon haporseaon marhite:

1. Mangolu dibagasan habegeton: Habengeton i ma manghorhon hatauon manang kemampuan mangula angka ulaon. Di luar ni haporseaon, ndang adong jolma na tau mangula angka na denggan. hatuaon i ndang diukur sian segi jabatan manang pendidikan, alai sian haporseaon, ai haporseaon i mambahen jolma marbisuk jala tau mangula ulaon.
2. Ima las ni roha: Ai ndang na murak hita bahenon ni panghirimon i, ai nunga adong keyakinan na ingkon jaloon hamonangan (ay 7). Ala ni i las do rohanta mangula angka ulaon na denggan, nang pe ndang pintor dapot hita hasilna di tingki i. Ibarat ni sahalak pangula na manuaen eme, suansuanna, mulai sian na mangula tano andorang so manuan, nunga adong pos ni roha di ibana ingkon manapu jala manggotil ibana di tingkina. Ala ni i do adong las ni roha mangula, nang pe martaon udan dohot las ni ari.
3. Diontang jala dijou asa ro manjalo roti hangoluan: Unang mandate alai dapotan angka pasupasu na so boi tuhoron do molo sai burju hita mamolus angka na maol. Ontangan dohot joujou ni Debata marlaku jala mardalan do i sepanjang zaman tu sude jolma (Poda 9.5-6; Mat 11.28-29). Jala i do simbol ni holong ni roha ni Debata manjou saluhut jolma. Istilah "sipanganon"dohot "siinumon", i ma roti, aek dohot susu, ima simbolo ni pasupasu ni Debata na mangalehon hangoluan tu angka namanjalos (Poda 3.18, 4:22). Ndada roti material sambing na nidokna disi, ala hata ni Debata na gabe roti hangoluan, dohot tumpal hangoluan na nidokna disi, ala hata ni Debata na tumpal hangoluaonta, songon ido hata ni Debata mansai ringkot di ganup jolma. Amen