2 Tim 2.1-7
I.Patujolo;
Di goari do surat on surat parmahanion(Pastoral) sian
Ap.Paulus tu si Timoteus, na tongon manghobasi huria Efesus hatiha i.
Mangihuthon penelitian ni angka ahli Padan Naimbaru, masuk tu horong na parpudi
na ma disurat Apostel i surat on, ala nunga matua ibana jala dihilala Apostel i
na jonok na ma tingkina di ulaon panghobasion i, isara ni parpoda halulion na
ni diadopan dohot na niedarhon ni angka guruguru palsu, na pola manghorhon
hagaoron dohot parbolatbolaton di tongatonga ni huria i. Asa marhite surat on
ma di bohali Apostel i si Timoteus laho mangadopi angka parpoda haliluon i. Miduk
do angka na mimbar sian haporseaonna, dilehon Ap.Paulus do gogo manungkoli si
Timoteus di ulaon panghobasionna. Dipasahat si Paulus do tongkat estafet laho
mamaritahon hata ni Debata. Didok si Paulus do manggoari si Timoteus anakhonku
na hinaholongan (2 Tim 1.2), ale anaha (2
Tim 2.1).
II. Hatorangan;
- Margogo
ma ho songon parangan ni Kristus
Poso dope si Timoteus ujui di naung
dohot ibana mangula songon sisean ni
Ap.Paulus. Ido alana Ap.Paulus umbahen
manongos surat tu ibana, songon surat
panogunoguon mangajari ibana di angka
ulaon huria. Hatiha tarhurung do
Ap.Paulus manogos surat on tu
donganna, dohot tu angka ruas ni huria nuang
hea hinobasanna hian. Turpukta on, i ma sebagian sian surat ni Ap. Paulus na
paduahon, ima songon sosososo asa margogo si
Timoteus mangadopi hamaolon
sian angka guru guru palsu, tu donganna, dohot tu
angka ruas ni Ap.Paulus.
Molo pe maol ulaon i ndatung sumurut ibana(1 Tim 4.12; 1
Kort 16.10-11).
Tongkat estafet ingkon mardalan nang pe lam tu maolna ulaon parbarita na uli tu huria i.
Nang pe so maniop bodil parporangan ni halak Kristen, alai torus dope terjadi
parporangan i sahat tu tingki on, i ma parporangan ni haporseaon manaluhon
sibolis. Aha dopahean sinjatanta laho marporang, ima: marhohoshon
hasintongan,manolukhon batu partahanan...(Efs 6.13-17). Ulaon na borat situtu
do marbarita na uli.
- Paratarata
hata ni Debata.
Molo didok mangaratarata i, na marpusatan do i di
pangulahonon di hata i, i ma na manjahai dohot manangihon, mangguruhon dohot
mamparsiajari. Diparatarata di bagasan bahasa Indonesia di terjemahon,
mengabarkan, memberitakan, mewartakan. Hata ni Debata naung suan di bagasan
rohanta na pasonang rohanta jala na mangalehon jaminan di ngolunta on, i do na
patauhon hita mamaritahon goar ni Kristus i huhut mangaratarata i ganup tingki
dohot sadihari pe didok di Buku Hes 33:12 ”Ia ho ale anak ni jolma, paboa ma tu angka
anak ni bangsom”. Sian mulana ndang dihalomohon sibolis i jolma mangolu
dibagasan hata ni Debata, sai ditait do laho manjahati. siala ni i do ganup
siulahon hata i nang rongom hasusaan lam mangimbukbuk jaman dohot angka na
pinarhagiotna, ndang muba haporseaonta alai sabalikna lam hot mian dibagasan
hata i. Dibagasan haporseaon i saor jala domu do hita tu Debata gabe margogo
jala togu di bagasan hagogoonNa na togu i(ptds Efs 6.10). Porsea di Tuhan
Jesus(Heb 11.1), displin, patuh ngoluna ingkon kerja keras asa mamparbuehon na
denggan(israna petani). Angka na porsea sai dihangoluhon do barita nauli i gabe
hangoluan ni partondion nang di pardangingon.
- Angka
jolma na marroha mangulahon na denggan
Halak na dao ngoluna sian Debata diparbuehon i do na roa
jala dipangalahona. Dipahombar haotoo do hajahaton. Boi dohonon pangalaho na
Bebal anggo songon i. Halak na serep
marroha, habiaranna do Jahowa jala paholangonna dirina sian hajahaton.
Pikiranna ma na denggan marodophon donganna, sada ma ibana dohot angka dongan.
Songon ruas ni huria naung tarpasupasu jala naeng hita marparange tiruan tu
halak, i do ulaonta ( 3 Musa 18.3-4).
III. Panimpuli;
1. Tangkas ma hita
na jinou tu halauaon na pinarade ni Tuhan Jesus.
2. Mansai godang
angka na bernit dohot haporsuhon taadopi, sai tong ma hita mansihohot di poda
nang hata ni Debata.
3. Taulahon ma
hata ni Debata i, ai do hangoluanta. Amen
Tidak ada komentar:
Posting Komentar